RAIS ROBERT MUGABE ASHTAKIWA MAHAKAMA NA MAKADA WA CHAMA CHAKE

Rais Robert Mugabe wa Zimbabwe amefunguliwa mashtaka ya kuwafukuza kimakosa maafisa wawili waandamizi wa chama tawala cha Zanu-PF.

Viongozi hao wawili walifukuzwa kwenye chama hicho mwezi Desemba na Februari kwa madai ya kuunga mkono jitihada za kumg'oa madarakani rais Mugabe.

Maafisa hao Ruagare Gumbo na Didymus Mutasa wamewasilisha nyaraka za kesi zao kwenye Mahakama Kuu ya Zimbabwe wakiitaka itoe amri ya kurejeshewa madaraka yao katika chama cha Zanu-PF.

Bw. Gumbo ameviambia vyombo vya habari kuwa rais Mugabe ni dikteta ambaye anapaswa kuachia madaraka.