BENKI YA DUNIA KUTOA DOLA BILIONI 2.1 KUSAIDIA KUJENGA ENEO LA KASKAZINI NIGERIA

Rais wa Nigeria Muhammadu Buhari amesema Benki ya Dunia imeahidi kutoa dola bilioni 2.1 ili kusaidia kujenga eneo la kaskazini-mashariki mwa Nigeria lililosambaratishwa na machafuko ya miaka kadhaa ya wapiganaji wa kundi la Boko Haram.

Rais Buhari ametoa kauli hiyo alipokuwa akiongea Jijini Washington baada ya mazungumzo na maafisa wa Benki ya Dunia.

Amesema kuwa kipaumbele kinapaswa kuwekwa katika kujenga upya miundombinu na kuwasaidia wale waliojikuta wakikimbia makazi yao kutokana na machafuko.

Rais Buhari ameahidi kulidhibiti kundi la Boko Haram ambalo limeuwa maelfu ya watu nchini Nigeria tangu mwaka 2009.