KANYE WEST AWASILI FLORENCE AKIWA KWENYE NDEGE YA KUKODI TAYARI KWA HARUSI

Kanye West amewasili Fort Belvedere huko Florence tayari kwa harusi yake itakayofanyika hii leo na Kim Kardashian, huku bibi harusi mtarajiwa akiwa bado hajaonekana.

Akiwa amevalia fulana nyeupe na jinzi pamoja na mabuti ya rangi Kanye alionekana akishuka kwenye ndege akiwa amebeba begi lake mkononi na kuingia kwenye benzi jeusi, akifuatiwa na wapambe wake waliokuwa kwenye gari aina ya SUV. 

Mbali na Kanye wageni maarufu mbalimbali walioalikwa kwenye harusi hiyo wameanza kuwasili na walionekana wakiingia kwenye magari yao na kuelekea hotelini huku wakiwa wamejawa na furaha.