FAINALI ZA MATAIFA AFRIKA 2015 HATARINI KUPIGWA KALENDA KISA TISHIO LA EBOLA

Wenyeji wa Fainali za kombe la Mataifa Afrika mwaka 2015 nchi ya Morocco imeomba kusogezwa mbele kwa fainali hizo kufuatia tishio la maambukizi ya ugonjwa wa Ebola unaoenea kwa kasi katika nchi za Afrika Magharibi. 

Fainali hizo zimepangwa kuanza kati ya January 17 hadi February 08' 2015. 

Maombi ya kusogezwa mbele kwa fainali hizo yamewasilishwa kwa Shirikisho la Soka Barani Afrika ( CAF ). 

Zaidi ya watu 4,000 wamefariki dunia mpaka kufikia sasa katika nchi za Afrika Magharibi kutokana na ugonjwa wa Ebola. Nchi zilizoathirika zaidi ni Guinea, Liberia na Sierra Leone.