KUTOONEKANA HADHARANI KIM JONG-UN KWAZIDI KUCHOCHEA UVUMI KOREA KASKAZINI

Kiongozi wa Korea Kaskazini Kim Jong-un amekosa kuhudhuria maadhimisho muhimu ya kisiasa, huku kukiwa na uvumi kuhusiana na kutoonekana kwake hadharani kwa takribani siku 37.

Ijumaa hii jina lake halikuwemo kwenye orodha ya viongozi watakaotembelea eneo la mnara wa kumbukumbu katika maadhimisho ya utawala wa chama anachokiongoza.

Mwezi uliopita televisheni ya taifa ya Korea Kaskazini ilimuonyesha Kim Jong-un akitembea huku akichechemea na kueleza kuwa alikuwa na maumivu.