JESHI LA POLISI LAKAMATA MAJAMBAZI WATANO WALIOVAMIA STAKISHARI

Jeshi la polisi Jijini Dar es Salaam, limesema limefanikiwa kuwakamata majambazi watano wanaodaiwa kuhusika na tukio la uvamizi katika kituo cha polisi cha Stakishari kilichopo Ukonga.

Kamanda wa Polisi Kanda Maalum ya Dar es Salaam, Suleiman Kova amesema majambazi hayo yamekamatwa maeneo ya Mbagala ambapo katika tukio hilo wamekamata pia fedha kiasi cha shilingi milioni 170 na bunduki 16 miongoni mwao ni zile zilizoibiwa katika kituo cha Stakishari.

Vilevile Kamanda Kova amesema kuwa bado wanawatafuta watu kadhaa wanaotuhumiwa ni wafuasi wa genge hilo hatari la uhalifu ambalo mbali kuvamia kituo cha Stakishari, genge hilo pia linahusika na uporaji fedha katika taasisi mbalimbali za fedha nchini.