WABUNGE KENYA WACHARUKA BAADA YA BUNGE KUKATIWA UMEME SIKU TATU

Wabunge nchini Kenya wamekasirishwa mno na kitendo cha bunge kukatiwa umeme kwa siku tatu kutokana na kushindwa kulipwa bili ya umeme yenye thamani ya dola 97,000.

Wabunge wa vyama vya upinzani wameitupia lawama serikali, hata hivyo wabunge wa muungano wa Jubilee unaotawala wameitetea serikali.

Wabunge hao pia wamesema hawajalipwa posho zao na baadhi ya watumishi wa bunge hawajalipwa mishahara yao. Mbunge Adan Keynan amesema umeme katika bunge la Kenya ulikatwa Ijumaa hadi Jumatatu ya wiki hii.