CHELSEA, ARSENAL ZATINGA KATIKA HATUA YA MTOANO UEFA

Timu ya Chelsea imejisahaulisha machungu yake ya Ligi Kuu ya Uingereza, na kusonga mbele kilaini katika hatua ya mtoano ya Ligi ya Mabingwa Ulaya kwa kupata ushindi wa mabao 2-0 dhidi ya Porto.

Mbrazili Willian aliihakikishia Chelsea kutinga katika hatua ya mtoano baada ya kufunga kwa shuti la yadi 20 katika kipindi cha pili, baada ya Poro kujifunga bao la kwanza katika kipindi cha kwanza.

                                                Kipa Iker Sasillas akiokoa shuti la Diego Costa 

Naye mshambuliaji Olivier Giroud aliibeba Arsenal kutinga katika hatua ya mtoano ya Ligi ya Mabigwa Ulaya baada ya kupachika mabao matatu mwenyewe yaani hat-trick dhidi ya Olympiakos.

Giroud alianza kupachika bao la kwanza katika dakika ya 29, na kisha kuongeza la pili dakika nne baada ya kuanza kwa kipindi cha pili na kisha kupachika bao la tatu kwa mkwaju wa penati katika dakika ya 79, hata hivyo mchezaji huo baadae aliumia mguu.

                                                             Kocha Arsene Wenger akifurahi ushindi