KOCHA WA LIVERPOOL JURGEN KLOPP ALILIA GOLI LA ALBERTO MORENO LILILOKATALIWA

Kocha wa Liverpool Jurgen Klopp ameachwa akilalama kwa hasira baada goli la wazi la Alberto Moreno alilolifunga kiufundi kukataliwa na refa kwa madai ya kuotea katika mchezo wao na Newcastle United hapo jana.

Wakati Liverpool ikijaribu kuchomoa bao 1 waliofungwa zikiwa zimebakia dakika 10 kabla ya mpira kuisha, beki huyo wa kushoto alipanda mbele kushambulia na kupata pande kutoka kwa James Milner ambapo aliudokoa mpira na kufunga goli hilo lililokataliwa.

Hata hivyo goli hilo la mchezaji huyo raia wa Hispania, ambalo lingeweza kuingia katika rekodi ya goli la mwezi kwa mujibu wa Klopp, lilikataliwa na refa na baadae Newcastle United ikaandika balo la pili na kufanya matokeo kuwa 2-0.

                      Mchezaji wa Newcastle United Wijnaldum akifunga bao la pili 

            Wachezaji wa Liverpool wakiwa hoi baada ya kukubali kipigo kutoka kwa Newcastle United