RONALDO ACHARUKA UEFA NA KUICHAKAZA MALMO AKIITUNGUA MARA NNE KATIKA USHINDI WA MABAO 8-0

Nyota wa Real Madrid, Cristiano Ronaldo ameweka rekodi ya ufungaji magoli katika hatua ya makundi ya Ligi ya Mabigwa Ulaya na kufikisha magoli 11, baada ya kucheka na nyavu mara nne katika mechi ya kundi A dhidi ya Malmo jana usiku.

Mchezaji huyo raia wa Ureno, alifanikisha kuifanya Real kuongoza kwa magoli 3-0 kwa kufunga bao dakika sita kabla ya mapumziko na kisha kuongeza mengine matatu katika dakika ya 47, 50, na 59 na kufanya matokeo kuwa 8-0.

Ronaldo, ambaye amefanikiwa kufikisha idadi ya magoli yanayofikia tarakimu mbili kwa mara tano mfululizo katika michuano ya Ligi ya Mabingwa Ulaya, amefanikiwa kuongeza idadi ya magoli aliyofunga katika michuano hiyo na kufikia 88.