SERIKALI YA SHIRIKISHO LA SOMALIA IMEPIGA MARUFUKU SHEREHE ZA KRISMASI

Serikali ya Somalia imepiga marufuku sherehe za Krismasi na mwaka mpya katika Jiji la Mogadishu, kutokana na sherehe hizo kutoendana utamaduni wa dini ya Kiislam na zinaweza kuhatarisha usalama.

Mkurugenzi Mkuu wa Wizara ya Masuala ya Dini Sheikh Mohamed Khayrow ametangaza uamuzi huo wa kupiga marufuku sherehe hizo za mwisho wa mwaka Jijini Mogadishu akiwa na Makamu Mwenyekiti wa Baraza Kuu la Dini Sheikh Nur Barud Gurhan.

Sheikh Nur Barud Gurhan, amesema mikusanyiko yoyote haipaswi kuwepo Jijini Mogadishu, na kuongeza kuwa sherehe  za Krismasi zinaweza kuwahamasisha wapiganaji wa al-Shabaab kufanya mashambulizi.