ALVARO NEGREDO AIFUNGIA HAT-TRICK TIMU YA VALENCIA

Mshambuliaji Alvaro Negredo amefunga hat-trick wakati timu ya kocha Gary Neville ya Valencia ikiichakaza Granada kwa mabao 4-0 katika mchezo wa kombe la Copa del Rey raundi ya 16.

Mshambulaiaji huyo wa zamani wa Manchester City alimpita beki na kuachia mkwaju uliotinga wavuni na kisha Rodrigo kutumbukiza bao la pili wavuni.

Negredo aliendelea kuitakatisha Valencia kwa kufunga mabao mawili ya penati katika kipindi cha pili.

                                                                             Negredo akiwa kazini

Wakati huo huo Lionel Messi alicheka na wavu mara mbili wakati Barcelona ikitoka nyuma na kuifunga Espanyol, kwa mabao 4-1 katika mchezo mwingine wa kombe la Copa del Rey ambao Espanyol ilimaliza na wachezaji tisa.

Mchezaji Felipe Caicedo aliipatia bao la kwanza timu yake iliyokuwa ikicheza ugenini baada ya kugongeana vyema na Marco Asensio, kabla ya Barcelona kuzinduka kwa bao la kusawazisha la Messi.

Messi tena aliongeza bao la pili kwa shuti tamu la yadi 25, na baadae kutengeneza bao lililofungwa na Gerard Pique.

                                                  Luis Suarez akibwatukiana na kipa wa Espanyol 

Matokeo ya mechi nyingine ni Ath Bilbao 3 - 2 Villarreal, Mirandés 1 - 1 Deportivo de La Coruña, Real Betis 0 - 2 Sevilla na Rayo Vallecano 1 - 1 Atl Madrid.