CHAMA CHA SIASA UJERUMANI CHATAKA POLISI KUTUMIA RISASI DHIDI YA WAHAMIAJI

Polisi nchini Ujerumani ikibidi watalazimika kuwapiga risasi wahamiaji wanaotaka kuingia nchini humo kinyume na sheria, chama cha siasa cha mrengo wa kulia kimesema.

Kiongozi wa chama hicho cha AfD Frauke Petry, amenukuliwa akiliambia gazeti la mkoa wake kuwa hapendi iwe hivyo, lakini kutumia silaha ndio suluhisho la mwisho.

Kauli yake hiyo imeshutumiwa vikali na chama cha mrengo wa kushoto pamoja na Chama cha Polisi wa Ujerumani. Zaidi ya wahamiaji milioni 1.1 waliwasili nchini Ujerumani mwaka jana.