KOCHA GARY NEVILLE AIONGOZA VALENCIA KUTOKA SARE NA REAL MADRID

Kocha Gary Neville ameiongoza Valencia kupigana kiume na kufanikiwa kupata sare ya mabao 2-2 katika mchezo wa La Liga dhidi ya Real Madrid iliyomaliza mchezo na wachezaji 10.

Wakiwa ugenini Real walipachika bao kupitia Karim Benzema akimalizia kazi nzuri iliyomuhusisha Cristiano Ronaldo na Gareth Bale lakini Dani Parejo alisawazisha kwa penati.

Real ilishuhudia Mateo Kovacic akitolewa kwa kucheza rafu, lakini ilionekana kutafuta ushindi pale Bale alipofunga kwa kichwa kabla ya Paco Alcacer kusawazisha katika dakika za mwisho.

             Gareth Bale akiunganisha mpira wa kona kwa kupiga kichwa na kufunga bao

               Paco Alcacer akifunga bao la kusawazisha bao katika dakika za mwisho