WATU 17 WAFA BAADA YA BASI KUCHOMWA MOTO CHINA

Moto uliotokea katika basi la usafiri wa umma katika mkoa wa Ningxia nchini China umeuwa watu 17 na kuwajeruhi wengine 32.

Mamlaka katika mji wa Yinchuan zimesema basi hilo liliwaka moto ghafla majira ya saa moja, na kufanya abiria waliokuwemo kukwama ndani.

Mamlaka za mji huo zimedai kuwa mtu mmoja aitwae Ma Yongping, 33, alilichoma moto basi hilo kwa mujibu wa picha za video za CCTV.