MISRI NA MALI NGOMA NDRO, UGANDA YALALA MBELE YA GHANA

Kipa wa Misri Essam El-Hadary amekuwa mchezaji mwenye umri mkubwa kucheza katika michuano ya kombe la Mataifa ya Afrika, na kuisaidia timu yake ya Misri kutoka sare tasa na Mali.

El-Hadary ambaye amefikisha miaka 44 siku ya jumapili aliingia dimbani katika kipindi cha kwanza baada ya kipa Ahmed El-Shenawy, aliyejigonga kwenye mwamba wa goli wakati akiokoa krosi ya Moussa Marega.

Mchezaji wa Arsenal na Mirsi Mohamed Elneny alipoteza nafasi mbili za Misri kufunga katika kipindi cha kwanza kwa kupiga mpira juu ya goli na na nyingine kuupiga mpira nje kabisa ya goli.

Katika mchezo mwingine timu pekee kutoka mataifa ya Afrika Mashariki katika michuano hiyo Uganda, ilijikuta ikifungwa goli moja kwa bila na Ghana, goli ambalo lilifungwa kwa mkwaju wa penati na Andrew Ayew.

                      Andrew Ayew wa Ghana akikimbia wakati akishangilia goli la penati alilofunga