BUNGE LA AFRIKA KUSINI LACHAFUKA BAADA YA KUGEUKA UKUMBI WA NGUMI

Ngumi zimerushwa bunge nchini Afrika Kusini kufuatia wabunge wa upinzani kugoma kutolewa nje ya bunge wakati wakijaribu kumzuia rais Jacob Zuma kuhutubia taifa.

Wabunge wa chama machachari cha upinzani cha EFF, kinachoongozwa na Julius Malema wakiwa wamevalia nguo nyekundu walipambana na walinzi wa bunge waliokuwa wakiwatoa nje ya ukumbi wa bunge.

Baada ya hapo polisi tena walilazimika kutumia mabomu ya machozi kuwatawanya wafuasi wa vyama vya upinzani na wa serikali ambao walihamishia mapambano hayo nje ya ukumbi wa bunge.