MANCHESTER CITY YASHINDA NA KUJICHIMBIA KATIKA NAFASI YA TATU

Manchester City imezidi kuimarisha matumaini yake ya kumaliza katika nafasi nne za juu za Ligi Kuu ya Uingereza kwa kupata ushindi wa magoli 3-0 dhidi ya Southampton.

Beki anayekabiliwa na majeruhi Vincent Kompany alifunga goli la kwanza katika kipindi cha pili kwa kichwa akiunganisha mpira wa krosi ya winga wa kushoto David Silva.

Leroy Sane aliongeza la pili akiunganisha kwa shuti pasi ya Kevin de Bruyne katika shambulizi la haraka na kisha Sergio Aguero akafunga la tatu.

           Beki Vincent Kompany akifunga kwa kichwa goli la kwanza katika mchezo huo

                                     Dogo Mjerumani Leroy Sane akiifungia Man City goli la pili 

Katika mchezo mwingine Tottenham imekwea hadi pointi nne nyuma ya vinara wa Ligi Kuu ya Uingereza Chelsea baada ya kupata ushindi wa magoli 4-0 Bournemouth.

Katika mchezo huo Mousa Dembele aliifungia Spurs goli la kwanza, Son Heung-min akaongeza goli la pili na Harry Kane akafunga la tatu kisha Vincent Janssen akafunga la nne.

                                                         Son Heung-min akifunga goli la pili la Tottenham 

           Harry Kane akifunga goli la tatu la Tottenhm