MANCHESTER UNITED YAIPUNGUZIA CHELSEA POINTI ZA KUONGOZA LIGI

Uongozi wa Chelsea katika Ligi Kuu ya Uingereza umepunguzwa na kuwa tofauti ya pointi nne, baada ya jana kukubali kipigo cha magoli 2-0 kutoka kwa Manchester United katika dimba la Old Trafford.

Kocha wa United, Jose Mourinho alikuwa amefungwa magoli 4-0 katika mchezo wao wa kwanza wa ligi na Chlesea pia alitolewa na timu hiyo aliyowahi kuinoa katika mchezo wa robo fainali ya FA katika dimba la Stamford Bridge.

Safari hii Mourinho alirekebisha makosa huku akiwatumia washambuliaji Marcus Rashford na Jesse Lingard akimpumzisha Zlatan Ibrahimovic na mbinu hiyo ilizaa matunda pale Rashford alipofunga goli la kwanza dakika ya 7 na kisha Ander Herrera kufunga la pili.

                Marcus Rashford akifunga goli la kwanza katika dakika ya saba tu ya mchezo

        Mpira uliopingwa na Ander Herrera ukimshinda kipa wa Chelsea na kujaa wavuni

                  Kiungo Paul Pogba akimdhibiti mshambuliaji Diego Costa asilete madhara

Katika mchezo mwingine Roberto Firmino amefunga goli lililoipa ushindi Liverpool kwa mara ya pili ndani ya wiki mbili wakati wakiibuka na ushindi wa goli 1-0 dhidi ya West Brom.

Mchezaji huyo raia wa Brazil alifunga goli hilo kwa kichwa katika dakika za mwisho za kipindi cha kwanza, na kuifanya Liverpool kujikita katika nafasi ya tatu.

                 Roberto Firmino akifunga kwa kichwa goli pekee la Liverpool katika mchezo huo