MCHEZA TENESI VENUS WILLIAMS AHUSIKA KATIKA AJALI ILIYOMUUA MTU

Nyota wa mpira wa tenesi Venus Williams amehusika katika tukio la ajali ya gari iliyosababisha kifo cha mzee wa miaka 78.

Msemaji wa Kituo cha Polisi cha Palm Beach Gardens huko Florida amethibitisha kuwa wanafanya uchunguzi wa ajali hiyo mbaya inayohusiana na bingwa huyo wa Grand Slam.

Mwanaume aliyegongwa na gari hilo alikimbizwa hospitali Juni 9, na alifariki dunia wiki mbili baadaye kutokana na majeraha aliyoyapata.

Kwa mujibu wa TMZ, walioibua habari hiyo, polisi wanaamini lilikuwa ni kosa la Venus lakini mwanasheria wake anasema ilikuwa ni ajali tu.