KOCHA JOSE MOURINHO ASEMA KUWA NA UKUTA IMARA SIO UHALIFU

Kocha wa Manchester United, Jose Mourinho, amesema kuwa wazuri mno katika kulinda goli sio uhalifu, kauli ambayo ameitoa baada ya kufanikiwa kuifunga Benfica goli 1-0 katika mchezo wa Ligi ya Mabingwa Ulaya.

Goli pekee katika mchezo huo uliochezwa Lisbon lilifungwa na Marcus Rashford kwa mpira wa adhabu uliopigwa kiufundi kwa shuti la mbali na kumshinda kipa kinda Mile Svilar ambaye aliudaka na kuingia nao wavuni.

Hata hivyo Rashford ameibua hofu kwa upande wa Manchester United baada ya kutoka nje akichechemea kwa maumivu ya goti katika kipindi cha pili na nafasi yake kuchukuliwa na Mfaransa Anthony Martial.

    Kipa wa Benfica Mile Svilar akiudaka mpira wa adhabu uliopigwa na Marcus Rashford

                Hata hivyo Mile Svilar alijikuta akiingia nao wavuni mpira huo na kuwa goli