PAUL POGBA AREJEA KWA KISHINDO MANCHESTER UNITED IKISHINDA

Kiungo mshambuliaji Paul Pogba amefunga goli akirejea dimbani kwa mara ya kwanza tangu aumie wakati Manchester United ikitokea nyuma na kuifunga Newcastle United magoli 4-1 katika dimba la Old Trafford.

Katika mchezo huo Manchester United ilijikuta ikitanguliwa kufungwa na wageni kupitia kwa Dwight Gayle kutokana na kosa la beki Victor Lindelof, lakini hata hivyo Anthony Martial alisawazisha goli hilo.

Beki Chris Smalling aliongeza goli la pili alipoinasa krosi ya Ashley Young kabla ya mapumziko. Pogba akafunga goli la tatu katika kipindi cha pili na kusaidia goli la nne lililofunga na Romelu Lukaku. 

Paul Pogba akimalizia kwa utulivu mpira uliopigwa na Marcus Rashford na kufunga goli la tatu

Romelu Lukaku akifunga goli la nne na kumaliza ukame wa kutofumania nyavu kwa muda katika Ligi Kuu ya Uingereza

Zlatan Ibrahimovic akifanya vitu vyake baada ya kucheza kwa dakika 14 kwa mara ya kwanza tangu aumie na kuwa nje ya uwanja kwa miezi saba