TABASAMU KIDOGO JUMATATU HII

Hii sikukuu imekuja vizuri lakini kwa wengine imewajia vibaya kabisa.

Huyu mzee akiwa chakari kwa kinywaji, yaani kalewa sawasawa, jana alipita karibu na eneo la kutupa takataka lililopo kwenye bar fulani maeneo ya Mikocheni.

Alipokuwa katika eneo lile la taka, akaona chupa mbalimbali za bia zikiwa zimetupwa eneo lile. Basi akaokota chupa tupu ya kwanza kisha akaibamiza ukutani huku akisema “ kwasababu yako nimeachana na mke wangu”

Akaokota tena chupa tupu ya pili nayo akaibamiza ukutani huku anasema “ kwasababu yako nimeshindwa kuwasomesha watoto wangu”

Akaokota chupa tupu ya tatu nayo akaibamiza ukutani huku akisema “ kwasababu yako umesababisha nikauza nyumba yangu”

Alipookota chupa ya nne, ile kuinyanyua juu akakuta ndani ina bia, yaani haijafunguliwa kama zile nyingine alizozivunja, basi akaitazama weee kisha akasema:-

“ We sina ugomvi na wewe kabisa, basi akaifungua na kuanza kunywa huku akisema, wewe huna mabaya kama hawa wenzako , wewe ni rafiki wa kweli na nakupenda sana”