POLISI YAZUIA MAANDAMANO YA KUPINGA SHERIA INAYOKATAZA VIMINI

Polisi nchini Uganda wamezuia maandamano ya wanawake waliokuwa wakiandamana katika Mitaa ya Jiji la Kampala kupinga sheria mpya inayowakataza wanawake kuvaa vimini.

Badala yake wanawake hao wapatao 200, ambao baadhi yao walikuwa wamevaa vimini, walikusanyika kwenye jengo la makumbusho ya taifa na kupaza sauti zao za kukerwa na sheria hiyo.

Kumekuwepo na matukio kadhaa katika wiki za hivi karibuni ya wanawake waliovaa sketi fupi kubughudhiwa mitaani na wanaume pamoja na kudhalilishwa tangu kusainiwa kwa sheria hiyo.