MTAALAM AIGIZA NAMNA OSCAR PISTORIUS ALIVYOMPIGA RISASI MPENZI WAKE

Mtaalam wa silaha ameigiza jinsi Reeva Steenkamp alivyopigwa risasi na mpenzi wake Oscar Pistorius, katika sehemua ya maelezo yake ya utetezi mahakamani ambayo yalipelekea Pistorius kuchanganyikiwa kizimbani.

Afisa wa zamani wa polisi Wollie Wolmarans aliigiza nafasi ya mwanamitindo huyo akiwa ndani ya choo cha Pistorius akipigwa risasi siku ya tukio hilo la Februari 14 mwaka jana.

Akiwa nyuma ya mlango huo aliigiza namna Steenkamp alivyokuwa akisimama chooni na kutaka kufungua mlango wakati Pistorius akimpiga risasi na kufa.

Ushahidi huo unakinzana na madai kuwa Pistorius alimpiga risasi Steenkamp baada ya kutokea mabishano na kwenda kujifungia chooni ili kuepusha shari.