WABUNGE WA ENEO LINALOLIMA MIRUNGI KENYA KUJADILIANA NA RAIS KENYATTA SUALA LA UK KUPIGA MARUFUKU MIRUNGI

Wabunge wa Meru nchini Kenya wanatarajia kugusia suala la kupigwa marufuku Mirungi kwenda Uingereza watakapokutana na Rais Uhuru Kenyatta kwenye mkutano wa wabunge wa Jubilee Ikulu hii leo.

Mwakilishi wa Wanawake wa Meru Florence Kajuju ambaye anaongoza kamati ya bunge ya taifa iliyoteuliwa kuchunguza jambo hilo amesema wabunge watajadili na rais suala hilo.

Kajuju amesema kuna maswali mengi hayajajibiwa kuhusu hatua ya serikali ya Uingereza kuzuia mirungi kuingia nchi hiyo ya Ulaya, hivyo wanapaswa kuelezwa iwapo ni adhabu kwa Kenya. Uingereza hivi karibuni iliingiza mirungi katika kundi la dawa za kulevya.