CRISTIANO RONALDO AIBEBA URENO KATIKA DAKIKA YA 95

Bao pekee lililofungwa kwa kichwa na Cristiano Ronaldo katika dakika ya 95 limeiwezesha Ureno kuibuka na ushindi ugenini dhidi ya Denmark katika mchezo wa kuwania kufuzu michuano ya Mataifa ya Ulaya.

Ronaldo aliruka juu na kuiunganisha krosi iliyopigwa na Ricardo Quaresma na kuutumbukiza mpira wavuni uliompita kipa Kasper Schmeichel na kufanya Ureno kutoka na pointi tatu katika mchezo huo uliochezwa Copenhagen.