RAIS KIKWETE ASEMA HATUA ZA KUTEKELEZA UPIGAJI KURA YA MAONI ZIMEANZA SERIKALINI

Rais wa Jamhuri ya Muungano wa Tanzania, Dkt. Jakaya Kikwete amesema kuwa hatua husika za kutekeleza upigaji kura ya maoni ya Katiba iliyopendekezwa zimeanza kuchukuliwa ndani ya serikali na kuwataka wananchi kuwa na subira.

Rais Kikwete ametoa kauli hiyo leo Mkoani Tabora wakati akihutubia taifa katika sherehe za kilele cha mbio za Mwenge zilizoambatana na kumbukumbu ya miaka 15 ya kifo cha Baba wa Taifa Hayati Mwalimu Julius Kambarage Nyerere.

Dkt. Kikwete amesema ameipitia vizuri Katiba iliyopendekezwa na kubaini kuwa ni bora na ambayo imezingatia makundi yote ya jamii wakiwemo wanawake wavuvi na vijana, hivyo basi anawaomba watanzania kujitokeza kwa wingi kupiga kura ya maoni wakati ukifika.