MDOGO WA MSANII JOSE CHAMELEONE, AK47 KUZIKWA LEO HUKO MITYANA

Aliyekuwa msanii mahiri wa muziki wa nchini Uganda, marehemu Emmanuela Mayanja Hammertone maarufu zaidi kama AK47, anazikwa leo jioni huko Mityana katika msiba ambao unatarajiwa kuhudhuriwa na umati mkubwa wa waombolezaji.

Maziko haya yanafuatia shughuli kutoa heshima za mwisho kwa marehemu katika eneo la National Theatre siku ya juzi na pia ibada ya kumsalia marehemu iliyofanyika jana katika kanisa la Katoliki la St. Joseph huko Lweza.

Wakati huo huo polisi bado wanaendelea na uchunguzi wa mazingira ya kifo cha marehemu,wakiwa sasa wanamtafuta mfanyausafi wa baa ya Dejavu, Milton Mumbere kutoa maelezo akiwa kama mtu wa mwisho kumuona marehemu katika dakika za mwisho za uhai wake.