LIGI KUU UINGEREZA, CHELSEA NA ARSENAL HAKUNA MBABE

Mshambuliaji wa Chelsea Oscar ( kulia ) nusura aipatie timu yake goli katika dakika ya 15 baada ya kumpiga kanzu mlinda mlango wa Arsenal, David Ospina. Hata hivyo wachezaji hao waligongana katika harakati hizo, na Oscar kulazimika kupatiwa huduma ya kwanza.

Timu ya soka ya Chelsea imeendelea kujiimarisha kileleni mwa msimamo wa ligi kuu Uingereza baada ya jana kulazimishwa sare ya kutofungana na Arsenal katika mchezo wa ligi kuu nchini humo uliochezwa uwanja wa Emirates. 

Katika mchezo huo, timu zote zilionyesha soka la kushambulia, lakini hakuna timu iliyofanikiwa kutikisa nyavu za mwenzake. Kwa matokeo hayo, Cheslea imefikisha pointi 77 wakati Arsenal wakiwa nafasi ya tatu na pointi 67.