ARSENAL YAONYESHA SOKA SAFI USIKU WA KUAMKIA LEO WAKIIFUNGA HULL CITY 3-1 KATIKA LIGI KUU ENGLAND

Timu ya soka ya Arsenal usiku wa kuamkia leo imeibuka na ushindi wa mabao 3-1 dhidi ya Hull City katika mchezo wa ligi kuu nchini Uingereza. 

Ikicheza ugenini katika uwanja wa KC, washika bunduki hao wa jiji la London walionyesha kandanda la hali ya juu na kuonyesha ubora wao wa kumiliki mpira hadi mwisho wa mchezo wao.

Mabao mawili toka kwa mshambuliaji wake mwenye kasi Alexis Sanchez katika dakika za 28 na 45 na bao jingine toka kwa Ramsey alilofunga katika dakika ya 33 yalitosha kuipa ushindi huo na kufikisha pointi 70 sawa na Manchester City lakini wakitofautiana mabao ya kufunga na kufungwa.

Mlinda mlango wa Hull City, Steve Harper akiwa hana la kufanya zaidi ya kuuangalia mpira ukijaa wavuni.