LIGI KUU NCHINI ENGLAND, CHELSEA YATIBUA SHEREHE ZAO ZA UBINGWA BAADA YA KUKUBALI KIPIGO CHA MABAO 3-0 TOKA KWA WEST BROM

Mabingwa wa ligi kuu nchini England, Chelsea wamejikuta wanaharibu sherehe zao za ubingwa wa msimu huu wa 2014/2015 wa ligi hiyo baada ya usiku wa kuamkia leo kukubali kipigo kikali cha mabao 3-0 toka kwa West Brom ambao wapo katika nafasi ya 13 katika msimamo wa ligi hiyo. 

Wakicheza ugenini, Chelsea walishuhudia wakifungwa mabao hayo yaliyowekwa kimiani na wachezaji Saido Berahino aliyefunga mabao mawili katika dakika za 9 na 47 na Chris Brunt akifunga bao la tatu katika dakika ya 60.

Mlinda mlango wa Cheslea, Courtois akiruka bila mafanikio kuuzia mpira uliojaa wavuni.

Nahodha wa Chelsea, John Terry akimwangalia kwa mshangao mwamuzi wa mchezo huo, Mike Jones baada ya kumzawadia kadi nyekundu mshambuliaji wao Cesc Fabregas baada ya kumchezea vibaya Chris Brunt.