MKUU WA JESHI LA BURUNDI AAHIDI UTII KWA MAMLAKA YA NCHI

Mkuu wa Jeshi la Burundi, ameahidi utii kwa mamlaka ya nchi baada ya Waziri wa Ulinzi kutangaza kuwa jeshi halitaunga mkono upande wowote kufuatia wiki moja ya ghasi za maandamano ya kisiasa.

Mkuu huyo wa jeshi Jenerali Prime Niyongabo amesema jeshi linabakia kuwa tiifu kwa jamhuri ya Burundi na kuheshimu sheria na taratibu pamoja na watawala wa nchi.

Awali jumamosi taarifa ya Waziri wa Ulinzi Jenerali Pontien Gaciyubwenge ilitangaza kuwa jeshi halitakuwa na upande wowote na kutaka kusitishwa mashambulio ya raia ambayo yanachochea mgawanyiko.

Taifa hilo dogo la Afrika ya Kati limetumbukia katika maamndamano yaliyodumu kwa wiki moja baada ya rais Pierre Nkurunziza kutangaza nia ya kuwania urais kwa muhula wa tatu.