RAIS PETRO POROSHENKO WA UKRAINE ASEMA TAYARI YUPO VITANI NA TAIFA LA URUSI

Rais wa Ukraine ameviambia vyombo vya habari vya magharibi, kuwa taifa lake kwa sasa lipo katika vita halisi na Urusi, hivyo Ukraine haina budi kukabiliana kivita na Urusi.

Rais Petro Poroshenko amenukuliwa akisema hamuamini kabisa rais Vladimir Putin wa Urusi, licha ya kuwa hana namna zaidi ya kuendelea kujadiliana naye.

Kwa upande wake Urusi imekuwa ikikanusha tuhuma za mataifa ya magharibi kuwa amekuwa anatuma vikosi vyake na silaha kuwasaidia waasi wa mashariki mwa Ukraine.

Umoja wa Mataifa umesema watu wapatao 6,000 wameuwawa tangu kuanza kwa mapigano mashariki mwa Ukraine Aprili 2014.