SHIRIKA LA AMNESTY LATOA RIPOTI YA UWEPO WA MAUAJI MAKUBWA YA RAIA SYRIA

Shirika la Amnesty International limesema raia nchini Syria katika mji wa pili kwa ukubwa wa Aleppo wanataabika na mauaji yasiyoelezeka.

Ripoti mpya imedai kuwa vikosi vya serikali pamoja na makundi mengi ya waasi yanafanya uhalifu huo wa kivita kila siku.

Wakati ripoti hii ikitoka serikali ya Syria imeongeza mashambulizi yake katika mji wa Aleppo katika wiki za hivi karibuni dhidi ya waasi.