HUKUMU YA KESI YA BASIL MRAMBA, DANIEL YONA NA GRAY MGONJA YAHAIRISHWA

Hukumu ya kesi inayowakabili aliyekuwa Waziri wa Nishati na Madini, Daniel Yona pamoja, aliyekuwa Waziri wa Fedha Basil Mramba na aliyekuwa Katibu Mkuu wa Hazina Gray Mgonja imeahirishwa kutolewa hii leo kufuatia jopo la mahakimu watatu wanaosikiliza kesi hiyo kutotimia.

Akiahirisha hukumu hiyo inayowakabili viongozi hao wa zamani wanao shtakiwa kwa matumizi mabaya ya fedha za serikali wakati wakiwa madarakani, Hakimu wa Mahakama ya Hakimu Mkazi Kisutu, John Lutamwa amesema hukumu ya kesi hiyo sasa itatolewa Julai 3, mwaka huu kufuatia Hakimu Sauli Kilemela kuwa Dodoma kwa shunghuli za kikazi.

Washitakiwa hao wanakabiliwa na mashitaka mawili ya matumizi mabaya ya madaraka na kuisababishia serikali hasara ya shilingi bilioni 11.7 kutokana na kutoa msamaha wa kodi kwa kampuni ya kukagua madini ya dhahabu ya MS Alex Stewart ya Uingereza.