TIMU YA WANAWAKE YA UJERUMANI YAIFANYIA MAUAJI IVORY COAST

Nchi ya Ujerumani imeanza harakati zake za kutwaa Kombe la Dunia la Wanawake, kwa kuichakaza Ivory Coast kwa mabao 10-0 katika mchezo uliochezwa Jijini Ottawa.

Mchezaji Celia Sasic alicheka na nyavu mara tatu yaani hat-trick, huku Anja Mittag akipachika mabao mawili katika mchezo huo ambao Ujerumani ilikuwa ikiongoza kwa mabao 5-0 ndani ya dakika 35 tu za mchezo.

Mittag alifunga bao lake la pili katika kipindi cha pili huku wachezaji wengine wa Ujerumani Simone Laudehr, Sara Dabritz, Melanie Behringer pamoja na Alexandra Popp nao wakicheka na nyavu katika mchezo huo.