SANAMU LA MCHEKESHAJI MKONGWE BILL COSBY LAANDOLEWA KATIKA BUSTANI YA DISNEY

Sanamu la mchekeshaji mkongwe Bill Cosby limeondolewa katika eneo la bustani ya Disney, kufuatia kubainika kuwa mchekeshaji huyo aliwahi kukiri mahakamani kumpa mwanamke dawa za kumlevya kabla kulala nae.

Nyaraka za mahakama zilizotolewa wiki iliyopita zimebaini kuwa Cosby alikiri mnamo mwaka 2005 kuwa alikuwa na dawa aina ya Quaaludes kwa lengo la kuwapatia wanawake kabla ya kulala nao.

Bill Cosby anakabiliwa na mfululizo wa tuhuma za kuwabaka wanawake ambazo anadaiwa kuzitenda karibu muongo mmoja uliopita.