MWILI WA WAZIRI WA MAMBO YA NDANI WA UGANDA WAWASILI ENTEBBE

Mwili wa Waziri wa Mambo ya Ndani wa Uganda, Jenerali Aronda Nyakairima aliyefariki dunia nje ya nchi umewasili kwa ndege leo mchana ukitokea Dubai.

Mwili Aronda ambaye aliwahi pia kuwa Mkuu wa Jeshi la Uganda umewasili majira ya saa saba na nusu mchana na kupokelewa na mkewe, watoto wake, ndugu wa karibu, viongozi wa serikali na wanajeshi wa Jeshi la Ulinzi la Wananchi Uganda.

Marehemu Jenerali Aronda Nyakairima ambaye alikuwa ni mwanajeshi mwenye ujuzi wa hali ya juu, alifariki dunia jumamosi iliyopita akiwa njiani kurejea Uganda.