MBUNGE NCHINI KENYA AMEWASILISHA HOJA YA KUTAKA KUVUNJWA BARAZA LA MITIHANI

Mbunge nchini Kenya amewasilisha hoja binafsi ya kutaka kuvunjwa kwa chombo kinachosimamia mitihani Kenya, na kuteuliwa wajumbe wapya wa chombo hicho.

Mbunge wa jimbo la Mbooni, Kisoi Munyao amesema Baraza la Mitihani Kenya (KNEC) limeshindwa majukumu yake, kutokana na mapungufu ambayo yameongezeka kwa miaka kadhaa.

Mbunge huyo amesema Kenya wamekuwa wakikerwa na taarifa za udanganyifu wa mitihani, na kuongeza kuwa wakati sasa umefika kwa kuweka mikakati thabiti ya kusimamia mitihani isivuje.