WAHAMIAJI 22 WENGI WAO WAKIWA NI WATOTO WAFA MAJI KARIBU NA UGIRIKI

Wahamiaji 22 wengi wao wakiwa ni watoto wamekufa maji wakijaribu kukatiza kufika Kalymnos na Rhodes wakitokea Uturuki, hii ikiwa ajali ya pili kubwa ya boti karibu na visiwa vya Ugiriki, katika wiki hii.

Maafisa wa Ugiriki wamesema watu 19 wamekufa na 138 wameokolewa karibu na Kalymnos.

Watu wengine watatu wamekufa karibu na Rhodes na wengine watatu hawajulikani walipo, sita wakiokolewa.

Waziri Mkuu wa Ugiriki Alexis Tsipras amesema anajisikia aibu kutokana na Ulaya kushindwa kukabiliana vyema na tatizo la wahamiaji.