WATU 15 WAMEJERUHIWA BAADA YA INJINI YA NDEGE KUWAKA MOTO JIJINI FLORIDA

Watu 15 wamejeruhiwa baada ya injini ya ndege ya upande wa kushoto kuwaka moto wakati ikijiandaa kuruka katika uwanja wa Florida nchini Marekani.

Ndege ya Kampuni ya Dynamic aina ya Boeing 767 ilikuwa katika njia ya kurukia kwenye uwanja wa ndege wa Kimataifa wa Fort Lauderdale-Hollywood, ikijiandaa kuruka kuelekea Venezuela.

Abiria pamoja na watumishi wa ndege hiyo waliokolewa na kikosi cha zimamamoto, mtu mmoja alipata majeraha ya moto.