CRISTIANO RONALDO AIONGOZA VYEMA REAL MADRID KUJIKITA KILELENI MWA LIGI

Real Madrid inayonolewa na Rafa Benitez inabakia kinara wa La Liga baada ya kupata ushindi dhidi ya Las Palmas, shukrani zimuendee Cristiano Ronaldo aliyefunga goli lake la 13 katika msimu huu.

Ronaldo alipachika bao hilo kwa kichwa cha kuchupa, ambapo magoli mengine ya Real katika mchezo huo yalifungwa na Isco na Jese na kuifanya Real iibuke na ushindi wa mabao 3-1 dhidi ya Las Palmas.

Ikicheza bila Karim Benzema, Gareth Bale pamoja na James Rodriguez bodo Real ilionekana kuwa ni tishio, ambapo Ronaldo angeweza kufunga goli la dakika za mwisho lakini kipa Javi Varas wa Las Palmas alikuwa makini.

           Cristiano Ronaldo akifunga goli la kichwa cha kuchupa mithili ya samaki mkizi

                 Isco akipachika bao lake katika mchezo huo wa La Liga uliochezwa jana