HAZARD HUENDA AKAITWA KUTOA USHAHIDI KESI YA DK. EVA CARNEIRO

Timu ya Chelsea inahofiwa Eden Hazard ataitwa kuwa shahidi wa daktari wao Eva Carneiro katika shauri dhidi ya klabu hiyo la kuacha kazi kutokana na kukerwa na muajiri wake mwaka jana.

Daktari huyo wa zamani wa Chelsea ameacha jukumu lake hilo katika klabu hiyo baada ya kutupiana maneno hadharani na Jose Mourinho baada ya Hazard kuumia dakika za mwisho katika mchezo ulioishia kwa sare ya mabao 2-2 dhidi ya Swansea City, Agosti 8.

Ingawa Hazard anasita kujihusisha na kesi hiyo, winga huyo wa Chelsea anaweza kulazimishwa na Mahakama ya Baraza la Kazi inayosikiliza shauri hilo. 

                                             Dokta Eva akimtibu Hazard baada ya kuumia