MAPIGANO MAKALI YA RISASI YAMESIKIKA KASKAZINI MWA KITONGOJI CHA JIJI LA PARIS

Mapigano makali ya risasi yamesikika kaskazini mwa kitongoji cha Jiji la Paris cha Saint Denis, wakati polisi wakiendelea na msako wa watu waliohusika na mashambulizi ya kigaidi ya siku ya Ijumaa.

Vyanzo vya polisi vimesema milio hiyo ya risasi inahusiana na msako wa watuhumiwa wa ugaidi waliokimbia.

Mapema, vyanzo vya maafisa usalama vilisema picha za video za kamera za usalama zilionyesha mtu anayehisiwa ni miongoni mwa washambuliaji tisa waliouwa watu 129.

Kundi la Dola ya Kiisalm (IS) limesema limehusika na kufanyika kwa shambulizi hilo siku ya Ijumaa Jijini Paris.

                  Polisi wa Ufaransa wakiwaondoa watu kwenye eneo la mapambano