MKUU WA MKOA WA KILIMANJARO, AMOS MAKALLA ATEMBELEA UWANJA WA NDEGE WA KIA

Wafanyakazi wa menejimenti ya kampuni ya uendeshaji uwanja wa ndege wa KIA, KADCO wakimsikiliza mkuu wa mkoa( hayupo pichani )

Mkuu wa mkoa wa Kilimanjaro, Amos Makalla akikagua ujenzi wa uwanja ndege wa KIA.

Mkuu wa mkoa wa Kilimanjaro, Amos Makalla ( watatu kutoka kulia waliosimama ) na mkuu wa wilaya Hai Antony Mtaka ( wa kwanza kutoka kushoto waliosimama ) wakiwa control tower

Mkuu wa wilaya Hai ( mwenye bahasha ya kaki ) akipokea maelekezo ya mkuu wa mkoa

Mkuu wa mkoa wa Kilimanjaro Amos Makalla ametembelea uwanja wa ndege Kilimanjaro (KIA) kujionea ujenzi wa upanuzi wa uwanja na shughuli za uwanja wa ndege.

Katika kikao cha menejimenti ya kampuni ya uendeshaji uwanja KADCO, mkuu wa mkoa ameupongeza uongozi kwa kuongeza ndege zinazotua na kuruka, uwezo wakujiendesha kwa kuwa na mapato mazuri na uwezo wa kudhibiti vitendo haramu vya madawa ya kulevya, usafirishaji nyara za serikali na ugaidi.

Pamoja na pongezi hizo mkuu wa mkoa ameagiza yafuatayo yatekelezwe;
 

1. Uwanja wa Kia usiwe njia ya wapitishaji ea madawa ya kulevya kwani kuruhusu hilo tunapoteza nguvu kazi ya taifa ambayo ni vijana
 

2. Uwanja wa Kia usiwe njia ya kutorosha nyara za taifa kwani kufanya hivyo ni kupoteza mapato ya taifa na raslimali za taifa
 

3. Ameagiza menejimenti kuutangaza uwanja huo kimataifa ili uvutie wageni zaidi kuja kuona vivutio vya utalii tukivyonavyo na kufanya hivyo ni kuongeza pato la taifa
 

Aidha amewataka wafanyakazi hao kufanya kazi kwa umoja na kutanguliza uadilifu na uzalendo katika kutekeleza majukumu yao.