POLISI NCHINI UBELGIJI WAMEWAKAMATA WATU 16 KATIKA MSAKO WA KUKAMATA MAGAIDI

Polisi nchini Ubelgiji wamewakamata watu 16, katika msako wa kukamata magaidi hata hivyo mhusika wa mashambulizi ya Paris, Salah Abdeslam, bado hajulikani alipo.

Polisi wamevamia maeneo 22 siku ya jumapili katika Jiji la Brussels na Charleroi, mwendesha mashtaka wa Ubelgiji, Eric van der Sypt, ameviambia vyombo vya habari.

Polisi walilifyatulia gari moja risasi mbili katika operesheni hiyo eneo la Molenbeek, na kumjeruhi mtuhumiwa mmoja ambaye baadae alikamatwa.