TIMU ZA TAIFA ZA SWEDEN NA UKRAINE ZAFANIKIWA KUTINGA EURO 2016

Timu za taifa za Sweden na Ukraine zimekua timu za mwisho kuzufu katika michuano ya Ulaya ya mwaka 2016 itakayofanyika nchini Ufaransa.

Sweden wakicheza ugenini walitoka sare ya mabao 2-2 dhidi ya Denmark, na kufanikiwa kufuzu baada ya kushinda mchezo wa kwanza kwa ushindi wa mabao 2-0.

Mshambulia Zlatan Ibrahimovic ndiye aliyefunga mabao yote mawili ya Sweden huku yale ya Denmark, yakifungwa na Yussuf Poulsen na Jannik Vestergaard.

         Zlatan Ibrahimovic akiangalia mpira wa adhabu alioupiga ukielegea golini 

              Kipa wa Denmark akiambulia hewa wakati mpira uliopigwa na Zlatan ukitinga wavuni.

Ukraine nao wakatinga kwenye fainali za Ulaya licha ya kwenda sare ya bao 1-1 na Slovenia, ambapo katika mchezo wa kwanza Ukraine walishinda kwa mabao 2-1.

Timu 24 zilizofuzu kushiriki michuano hiyo ya ulaya ni wenyeji Ufaransa, Albania, Austria, Ubelgiji Croatia, jamhuri ya Czech, Uingereza, Ujerumani, Hungary, Iceland, Italia, Ireland ya Kaskazini, Uholanzi, Ureno, Jumhuri ya Ireland, Romania, Urusi, Slovakia, Hispania, Sweden, Switzerland, Uturuki, Ukraine na Wales.