WATU MILIONI 11 WAPO HATARINI KWA NJAA, MARADHI NA UHABA WA MAJI AFRIKA

Watu milioni 11 wapo hatarini kwa njaa, maradhi na uhaba wa maji mashariki na kusini mwa bara la Afrika, kutokana na kuimarika kwa hali ya hewa ya El Nino, Shirika la Umoja wa Mataifa limesema.

Shirika la hilo la Umoja wa Mataifa la Kuwahudumia Watoto (Unicef) limesema hali hiyo imesababisha ukame hatari kuwahi kutokea kwa zaidi ya miaka 30 nchini Ethiopia.

Shirika la Unicef limesema madhara ya hali ya hewa ya El Nino yanaweza kuwa mabaya pia kwa Somalia huku pia kukiwa na hofu ya kutokea mafuriko. El Nino husababishwa na hali ya joto katika bahari ya Pacific.