ARSENAL YAKWAA KISIKI LIGI KUU YA UINGEREZA NA KUANGUKIA PUA

Timu ya Arsenal imepoteza nafasi ya kukwea kileleni mwa Ligi Kuu ya Uingereza jana usiku baada ya kuchakazwa na Southampton kwa mabao 4 bila ya majibu katika dimba la St Mary.

Beki wa Southampton Cuco Martina alifunga goli lake la kwanza la ligi kwa bao kali la shuti la kujipinda la umbali ya yadi 30.

Wachezaji wa wa Arsenal Olivier Giroud pamoja na Theo Walcott walikosa kufunga mipira ya kichwa, kabla ya Shane Long kufunga kwa shuti la karibu na Jose Fonte kupachika bao la tatu, na Long kufunga la nne dakika ya 90.

       Golikipa wa Arsenal Cech akiwa amelala chini baada ya kugongana wakati wa kuokoa mpira

Wachezaji wa Arsenal wakiondoka uwanjani vichwa chini baada ya kupata kipigo kisicho na huruma